Plantun de Prouvènço

Pèr coumpara dos planto d'encò nostre

Helianthemum canum & Asparagus acutifolius

Helianthemum canum

Cistaceae

Noms en français : Hélianthème blanc, Hélianthème des chiens.

Descripcioun :
Aquesto massugueto di flour jauno trachis dins la garrigo e li relarg roucassous. Li fueio an ges d'estipulo. Pèr la destria de Helianthemum italicum fau bèn regarda lou dessouto di fueio qu'èi blanc que i'a un mouloun de péu estela (fotò). Au contro Helianthemum italicum a pas jamai de péu estela. Coumpara emé la massugueto-d'Itàli e peréu lis àutri massugueto di flour jauno.

Usanço :
Li massugueto èron acampado en Espagno pèr la farmacìo tradiciounalo e soun couneigudo pèr lucha contro li microbe (poulifenòu).

Port : Pichoto planto lignouso
Taio : 5 à 30 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Helianthemum
Famiho : Cistaceae

Ordre : Malvales

Coulour de la flour : Jauno
Petalo : 5
Ø (o loungour) flour : 8 à 16 cm
Flourido : Printèms

Sòu : Ca
Autour basso e auto : 0 à 2200 m
Aparado : Noun
Mai à jun

Liò : Garrigo - Roucaio - Tepiero seco
Estànci : Termoumediterran à Aupen
Couroulougi : Éurimediterranenco
Ref. sc. : Helianthemum canum (L.) Baumg., 1816 (= Helianthemum oelandicum subsp. incanum (Willk.) G.López, 1992 )

Espargo-fèro

Asparagus acutifolius

Asparagaceae

Àutri noum : Aspàrgou, Espargasso, Roumanin-couniéu, Roumiéu-couniéu, Pèd-de-Róumi.

Nom en français : Asperge sauvage.

Descripcioun :
L'espargo-fèro es uno planto bèn couneigudo de nòsti garrigo e éusiero. A la fin de l'ivèr sort de terro, èi lou moumen de l'acampa ! Pièi la tijo devèn duro coume uno co-rudo. Flouris tardié, raramen avans juliet.

Usanço :
Coume l'avèn di, s'acampo à la primo pèr li meleto. La planto èi proun bono pèr la santa, richo en vitamino (A, B, C, PP...) e en sau mineralo (P, Mn...). Fai pissa (óudour de 1,2-ditiole) e es un pau lachativo.